 |
 |
|
1
Cantari asitcen naiz aditu nazazu, nic daquizquidan gauzac jaquingo dituzu. Egoten bacerade adicen ixillic, gauza pollit ascoac esango ditut nic. |
2
Churrut churrut ari da urlia edaten, cer guertatuco zaion ez du arc pensatcen. Laster guelditzen zaio mingainchoa lodi, auco itzac orduan norc adiera-aci? |
3
Buru queaz betea ai ¡zorabillaca! uste du dabillela lur ori giraca. Begui macar-jario ondicoz zacarra: irichi, bi dirala argui bat bacarra. |
|
4
Ibilltcen asitcean zangoac gurutze, buru macur oquerra, lepo ori luce: ibilceco moduan siasca eguiña, bideric zabalena ez duc aren diña.
|
5
Ederra duc planta ori guizon dan batentzat! ez nuque ala naico nic nerezat beinzat. Ezagu zac oquerra bein, tonto lapico, oitura circill ori ez al duc utzico? |
6
Oa echera eta laster oian sartu, iñorc ez ecusteco orren zoratu, guizon, erriarenzat, ain lotsagarria; iturriz itzali zac goizeco egarria.
|
|
7
Ez baduc ic utzicen costumbre ain charra, igatic eguingo dic mundu orrec farra; ez, ordea, pensatu dala gauza andia, ongui irrigarri duc guizon bat ordia.
|
8
Orra consejuschoac, ceurc ongui cumplitu: asco eguia eder dituzu aditu. Betecen badituzu lasaiqueri gabe, guretzat on izain da ta zurezat obe. |
9
Ez badezu izan nai edanean ariñ, esanac esan dira ta eguiñac eguin: zabiltza cere guisa ta ortican ibilli casoric ez eguingo nic astotzar orri.
|
