ARRUARRENA Arruegi auzoan dago. Bailararen behe aldean egotetik datorkio izena baserriari. Baserri inguruko soro eta sailen izenen artean daude Ordeka, Gaintzaldea, Arruarren azpikoa, Illoño, Txontxiti...

ARRUARTE Arruegi auzoko baserria da. Bertakoek diotenagatik bere izena Arru eta Arruabarren artean egoteagatik dator. Baserri inguruko soro eta sailen izenak dira: Etxe-azpi, Matxiollo, Arru-muño, Luberri, Basoko zelaie, Gaintzalde, Urtalde, Bekobasoa. Baserritik herrira ordu erdi dago oinez, autoz bost minutu. 1963an egin zuten bidea, asfaltatu gabea.

ARRUARTE Arruegi auzoko baserria da. Bertakoek diotenagatik bere izena Arruegi bailara erdian egotetik dator. Baserri inguruko soro eta sailen izenak dira Urretalde, Antxuseta, Arru eta Arroasoro. Etxekoei ematen zitzaien izena Argiñe da. 1963an egin zuten bidea, asfaltatu gabea. 1980az geroztik dago auzoan etxerainoko bide berria. Etxe jabe dira Arruartekoak 1920az geroztik.

ARRU Arruegi auzoko baserria da. Bertakoek diotenez, Arrue izena baserri horrek berak gordetzea, ingurukoak (Arruarte, Arruarren eta Arruarren Goikoa) ondoren egin zirela adierazten omen du. Hala ere, ezin da lau baserrion toki-izen hau bere kokapenetik bereizi. Arru alde batean, eta Miranda beste aldean, Zaldibin ziren bi talaien izenak badira behintzat.

ARRUARRENA Arruegi auzoan dago. Bailararen behe aldean egotetik datorkio izena baserriari. Baserri inguruko soro eta sailen izenen artean daude Ordeka, Gaintzaldea, Arruarren azpikoa, Illoño, Txontxiti...

AUSOI Olaeta auzoko baserria da. Inguruko parajeen artean dauzkagu Iturrialde, Olarian, Borda aldea, Olako saroi... Izena Ausokoi Gaztelu azpiko haize-tokitik omen datorkio. Auso toponimian agertzen da gehiagotan ere Ausa-Gaztelu inguruan. XVIII. mendean ere bada Ausobi izeneko gaztainadi baten aipamena.

AZTIA kale-etxea da, Santa Fe kalean kokatua. Joan Inazio Garmendia Zaldibiko Bianda baserriko semea eta Eulali Garmendia Gaintzako Etxaiskoa 1929an ezkondu ziren. Maizter bizi izan ziren Aztian.

JOAN BAUTISTA Erauskin Zubialdekoa eta Benita Erauskin Aistrangonekoa aurrena, ezkonberritan, Eskribau etxean jarri ziren bizitzen eta handik gutxira Aztiara etorri ziren eta bertan bizi izan ziren beti, baita beren ondorengoak ere.

BENTA BERRI etxea Urtsu-Erreka auzoan kokatuta dago...

BERDILARI Urtesabel auzoko baserria da. Bertakoak etxe jabeak dira. Konponketa gutxi egina dago baserria. 1929an, esate baterako, ekonomika jarri zen sukaldean. Etxetik eskolara bide gutxi dago eta oinez joan ohi ziren. 1809ko apirilaren 2an erabaki zen hilerria elizatik ateratzea eta Kanpo Santua Berdilariko soroan egitea. Oraindik ere Zaldibin Kanpo Santuari Berdilariko batza esaten zaio.

BIOSOLA Egileor auzoko baserria da. Bere inguruko baso eta zelaien izenen artean dauzkagu Muittondo, Amandre edo Etxaburu. Bertakoek diotenagatik baserriaren izenak “Bide atzeko ola” adierazten omen du.

BIDEARTE Goikokaleko etxea da, Txamarretxekoa. 1953. urtean eraiki zuten eta izena bi bideren artean kokatuta dagoelako jarri zioten. Inguruko etxeak ziren Mattinguriñe eta Etxabenea...

BIOK BAT kale-etxea da, Ordizia alderako herri irteeran dagoena, Martiñagotzaneko zubia pasa eta ezkerrera...

BITOTXE Olaeta auzoko baserria da. Bere inguruko parajeen artean daude Atariko soro, Muñoa, Arrualde, Muertza-zelaia… 1930ean erosi zuten etxea hamalau mila pezetetan eta 1972an obratu zuten, sukaldea, gelak eta ukuilua berrituz. Auzorako kaminoa 1970ean egin zuten, eta baita etxerainokoa ere. Herriraino hiru ordu laurden inguruko bidea dago oinez.

BITOTXE baserria Olaeta auzoko baserria da. Bere inguruko baso eta zelaien izenen artean dauzkagu Harandi, Otarte, Iturriane. Agortaz,Txara, Keizeta, Arrualde, Muñoa. Etxejabe dira Bitotxe baserrikoak 1936az geroztik.

DANAK BAT kale-etxea da. Herrian bertan dago, udaletxe eta elizatik oso gertu; Amundarain errekaren ertzean...

DENDABERRI kale-etxea zen, Bekokalekoa. Bere izenak ondo adierazten duen bezala “berri”tzat zeukaten eraiki zutenek. Dendaberri Vizconde de Cerrorena zen, Zabalarena, eta urtean seirehun pezetako errenta ordaindu behar zuten. Horretarako, Santa Luzia egunean joaten ziren Ordiziara urteko errenta ordaintzera, herri guztietako haren maizterrak.

DEPOSITTUK eta ZENTRALA Deposittuk Aiestaran Erreka auzoko etxea da. Etxe berria dela esan dezakegu, CAF-ek, Fabrika Handiak, argi-indarra lortzeko XIX. mende amaieran aurreikusi zituen egitasmoak betetzeko eraikia. 1902-1904 bitartean, Fabrika Handiak, gaur CAF deitzen dugun eta garai hartan SECM zenak, (Sociedad Española de Construcciones Metálicas) lantegiko instalazioetan zabaltze obra garrantzitsuak burutu zituen, indar hidroelektriko handiagoa behar baitzuen, ekoizpena handituko bazuen.

EUZKITZA Elbarrena auzoko baserria da. Joan Joxe Etxezarretaren gurasoak, Etxezarreta Amundarain familia, Aramatik etorri zen Zaldibira bizi izatera, baina Euzkitzara joan aurretik, Zelearren eta Agotxanen bizi izan ziren. Hurrengo belaunaldian, 1950ean, Euzkitzako seme Joan Joxe Etxezarreta Ildefontsa Erasorekin ezkondu zen.

ERNAITZA Urtsu-Erreka auzoan dago. Bere inguruko baso eta zelaien izenen artean dauzkagu Luberri, Muttegi, Abalo, Ilarrai, Malkarra. Bertakoek diotenagatik baserria Ernaitza behekoa zen. Lehen goian zegoen baserriaren izena baitzen Ernaitza, baina hura galtzean baserri honek hartu zuen haren izena. Auzoko bidea 1935ean egin zen, eta etxerainokoa 1985ean.